4 май Президенти Ҷумҳурии Тоҷикистон Эмомалӣ Раҳмон вазири корҳои хориҷии Ҷумҳурии Исломии Покистон Абдул Сатторро ба ҳузур пазируфт.
Дар доираи муҳокимаи проблемаҳои моҳияти дуҷонибадошта Эмомалӣ Раҳмон ба муносибатҳои байни Покистон ва Афғонистон изҳори таваҷҷӯҳ кард, ки робитаҳои манфиатбахши дуҷонибаашон барқарор гардонида шуда, мусоидатгари ҳарчӣ тезтари сулҳу оромӣ дар ин кишвари ҷангзада гардад.
3 май Президенти Ҷумҳурии Тоҷикистон Эмомалӣ Раҳмон вазири корҳои хориҷии Ҷумҳурии Исломии Эрон Камол Ҳаррозиро қабул намуд.
Дар вохӯрӣ зикр гардид, ки баргузории ҷаласаи Шӯрои вазирони мамлакатҳои иштирокдори Созмони Ҳамкории Иқтисодӣ дар пойтахти Тоҷикистон аз баланд гардидани нуфузи он ба ҳайси аъзои муносибатҳои байналхалқӣ дар ҷаҳон ва ҳамҷунин дар миқёси ин созмон дарак медиҳад.
3 май Президенти Ҷумҳурии Тоҷикистон Эмомалӣ Раҳмон вазири корҳои хориҷии Ҷумҳурии Қирғизистон Муродбек Иманалиевро пазируфт.
Зимни вохӯрӣ масъалаҳои моҳияти дуҷонибадошта, амнияти минтақавӣ, фаъолияти Созмони Ҳамкории Иқтисодӣ ва дигар мавзӯъҳои дорои таваҷҷуҳи тарафайн мавриди муҳокима қарор гирифтанд.
3 май Президенти Ҷумҳурии Тоҷикистон Эмомалӣ Раҳмон вазири корҳои хориҷии Ҷумҳурии Озарбойҷон Вилоят Кулиевро, ки ба Душанбе барои иштирок дар ҷаласаи Шӯрои вазирони корҳои хориҷии мамлакатҳои иштирокдори Созмони Ҳамкории Иқтисодӣ омадааст, қабул намуд.
Зимни вохӯрӣ атрофи масъалаҳои ҳолат ва дурнамои ҳамкориҳои дуҷониба, баъзе мавзӯъҳои байналхалқии мавриди таваҷҷӯҳи тарафайн табодули назар гардид.
2 май Президенти Ҷумҳурии Тоҷикистон Эмомалӣ Раҳмон Роҳбари Дафтари СММ оид ба мусоидат ба бунёди осоишта дар Тоҷикистон Иво Петровро қабул намуд.
Зимни вохӯрӣ Иво Петров ба Эмомалӣ Раҳмон дар бораи натиҷаҳои сафараш ба мамлакатҳои кӯмакрасонандаи асосии Тоҷикистон, ки намояндагонашон бояд дар кори ҷаласаи токиоии Гурӯҳи машваратӣ оид ба мусоидати иқтисодӣ ба Тоҷикистон дар давраи баъдиҷангӣ иштирок намоянд, иттилоъ дод.
30 апрел Президенти Ҷумҳурии Тоҷикистон Эмомалӣ Раҳмон Раиси Ассамблеяи Парламентии САҲА Адреан Северинро, ки бори аввал ба мамлакати мо ташриф овардааст, қабул намуд.
Дар рафти вохӯрӣ Эмомалӣ Раҳмон изҳори боварӣ намуд, ки ташрифи А.Северин ба таҳкими ва инкишофи минбаъдаи ҳамкориҳои ҶТ бо САҲА ва сохторҳои он мусоидат менамояд.