Мӯҳтарам аъзои Маҷлиси миллӣ ва вакилони Маҷлиси намояндагон!
Ҳамватанони азиз!
Соли гузашта барои мо боз як давраи таҳкими рукнҳои давлатдорӣ ва идомаи ислоҳоти пайдарҳами иқтисодӣ буд. Дар ин муддат мо ба ҳамкории самараноку доимӣ миёни ҳокимияти олии қонунгузори касбӣ ва ҳокимияти иҷроия муваффақ шудем, ки ин дар таърихи миллатамон падидаи нав аст.
25 апрел Президенти Ҷумҳурии Тоҷикистон Эмомалӣ Раҳмон бо Дабири Кулли САҲА Ян Кубиш, ки ба мамлакати мо бо сафари расмӣ омадааст, вохӯрд.
Сардори давлат таваҷҷӯҳи Ян Кубишро ба ҳамкориҳои боз ҳам самарабахши САҲА оид ба масъалаҳои меъёрҳои инсонӣ, таҳкими сохторҳои демократии ҷомеа ва асосҳои иқтисодии амният ҷалб намуд.
25 апрел Президенти Ҷумҳурии Тоҷикистон Эмомалӣ Раҳмон Сафири Фавқулодда ва Мухтори Ҷопон дар Ҷумҳурии Тоҷикистон Кёко Накаямаро қабул намуд.
Дар рафти вохӯрӣ масъалаҳои марбут ба ҳамкориҳои дуҷониба, ҳамчунин мавзӯи тайёр намудани сафари аввали Президенти Ҷумҳурии Тоҷикистон ба Ҷопон ва ҷаласаи токиогии Гурӯҳи машваратии мамлакатҳои мададрасони Тоҷикистон дар моҳи маи соли 2001 мавриди муҳокима қарор дода шуд.
24 апрел Президенти Ҷумҳурии Тоҷикистон Эмомалӣ Раҳмон намояндагони ташкилотҳои байналхалқии молиявию қарзиро, ки дар Тоҷикистон фаъолият доранд, қабул намуд.
Дар рафти вохӯрии муштарак роҳбарони намояндагиҳои Хазинаи Байналмилалии Асъор, Бонки Умумиҷаҳонӣ, Бонки Осиёии Рушд, ки сармоягузорони асосии лоиҳаҳои иқтисодии инкишоф дар Тоҷикистон мебошанд, дар бораи натиҷаҳои амалигардонии барномаҳои муштарак ва лоиҳаҳо дар ҷумҳурӣ, нақшаҳо ва дурнамои ҳамкориҳо дар ояндаи наздик ба Эмомалӣ Раҳмон ба таври умумӣ иттилоъ доданд.
22 апрел Президенти Ҷумҳурии Тоҷикистон Эмомалӣ Раҳмон бо даъвати Президенти Россия Владимир Путин ба Федератсияи Россия сафари корӣ анҷом дод.
22 апрел Президенти Ҷумҳурии Тоҷикистон Эмомалӣ Раҳмон бо Президенти Федератсияи Россия Владимир Путин мулоқот намуд ва ҷонибҳо оид ба масъалаҳои мубрами ҳамкории тарафайн, вазъи минтақа ва ҷаҳони муосир гуфтушуниди тӯлонӣ анҷом доданд.
19 апрел Президенти Ҷумҳурии Тоҷикистон Эмомалӣ Раҳмон гурӯҳи роҳбарони намояндагиҳои ҳарбии сафоратхонаҳои як қатор давлатҳои аврупоиро, ки дар Федератсияи Россия ба қайд гирифта шудаанд, аз ҷумла кшварҳои Фаронса, Шветсия, Финландия, Дания ва Норвегияро қабул намуд.
Дар вохӯрӣ роҳбарони сохторхои қудратӣ ва ҳарбии ҷумҳурӣ, гурӯҳи марзбонии Россия иштирок намуданд.
18 апрел Президенти Ҷумҳурии Тоҷикистон Эмомалӣ Раҳмон қабл аз маҷлиси ботантана ба муносибати 50-солагии Академияи илмҳои Ҷумҳурии Тоҷикистон бо роҳбарони ҳайатҳои намояндагии Академияҳои улуми давлатҳои ИДМ, Ветнам ва Муғулистон дар Театри давлатии академии опера ва балети ба номи С. Айнӣ мулоқот намуд.