Шоми рӯзи 18-уми декабр Президенти Ҷумҳурии Тоҷикистон Эмомалӣ Раҳмон барои иштирок дар ҳамоишҳои навбатии сарони давлатҳои аъзои Созмони Аҳдномаи амнияти дастаҷамъӣ ва Иттиҳоди иқтисодии Авруосиё аз шаҳри Анқараи Ҷумҳурии Туркия ба шаҳри Маскави Федератсияи Русия рафт.

Дар ҳамоишҳои сарони давлатҳои ин ду созмони қаламрави пасошӯравӣ, мутаносибан масоили амнияту субот дар минтақа ва ҷаҳон, аз ҷумла авзои кунунӣ ва ояндаи Афғонистон ва масъалаҳои рушди ҳамкории иқтисодӣ ва механизмҳои муттаҳидсозии имконоти муштараки давлатҳои аъзои Иттиҳоди иқтисодии Авруосиё баррасӣ мешавад.