Имрўз бо қарорҳои Ҳукумати мамлакат ва амрҳои Президенти Ҷумҳурии Тоҷикистон як қатор тағйироти кадрӣ амалӣ карда шуд.
Чор нафар мутахассисони варзидаи соҳаи энергетика - Мўмин Тошматов, Абдулло қурбонов, Сўҳроб Раҳимов ва Сунатулло қодиров муовинони раиси ШСХК «Барқи Тоҷик» таъин гардиданд.
Зевар Давлатова, ки то ин вақт муовини аввали директори Агентии миллии иттилоотии Тоҷикистон «Ховар» буд, аз ин вазифа озод ва Директори муассисаи давлатии «Телевизиони кўдакону наврасон - Баҳористон» таъин карда шуд.
Асрор Латипов бо сабаби ба кори дигар гузаштанаш аз вазифаи мудири шуъбаи ташкилии Дастгоҳи иҷроияи Президенти Ҷумҳурии Тоҷикистон озод карда шуд.
Грез қосимов аз вазифаи мушовири Президенти Ҷумҳурии Тоҷикистон оид ба сиёсати кадрҳо озод ва ба вазифаи муовини сардори Раёсати хизмати давлатии назди Президенти Ҷумҳурии Тоҷикистон таъин гардид.
Раҳматулло Каримов Директори Муассисаи давлатии «Маркази идораи лоиҳаи барқарорсозии системаҳои ирригатсионӣ» таъин карда шуд.