Аз ҷониби Президенти Ҷумҳурии Тоҷикистон, Раиси ҳукумати мамлакат Эмомалӣ Раҳмон як қатор қарорҳои Ҳукумати Ҷумҳурии Тоҷикистон ба имзо расид.

Абдураҳим Холиқов, ки то ин вақт мудири шўъбаи кафолатҳои конститутсионии ҳуқуқи шаҳрвандони Дастгоҳи иҷроияи Президенти Ҷумҳурии Тоҷикистон буд, Раиси Кумитаи оид ба корҳои дини назди Ҳукумати Ҷумҳурии Тоҷикистон таъин карда шуд.

Мавлон Мухторов аз вазифаи муовини вазири фарҳанг озод ва ба вазифаи Муовини раиси Кумитаи оид ба корҳои дини назди Ҳукумати Ҷумҳурии Тоҷикистон таъин гардид.
Саймуддин Мирзоев аз вазифаи Муовини сардори Сарраёсати қушунҳои сарҳадии Кумитаи давлатии амнияти миллии мамлакат озод карда шуд.