Дар сўҳбат бо Вазири корҳои хориҷии Ҷумҳурии Исломии Афғонистон Залмай Расул масоили сершумори ҳамкорӣ ва ҳусни ҳамсоягии ду кишвар баррасӣ шуд.

Таъкид гардид, ки манфиатҳои муштараки сиёсии ду кишвар, таҳаввулоти босуръати дохилӣ ва минтақавӣ ва афзоиши таҳдиду хатарҳо густаришу тақвият додани робитаҳоро, аз ҷумла миёни вазоратҳои корҳои хориҷӣ, сохторҳои сарҳадӣ, амниятӣ, ҳарбӣ, интизомӣ ва адлия тақозо мекунад.

Бо қаноатмандӣ аз муносибатҳои дўстонаи ҳамсоягӣ зикр гардид, ки тайи 3 моҳи охир ҳудуди 100 нафар донишомўзон ва кормандони сохторҳои амниятию ва қудратӣ ва 300 нафар кормандони тиббии Афғонистон курсҳои омўзиширо дар шаҳри Душанбе хатм карда, ба ватани худ баргаштанд.

Иштирок дар татбиқи лоиҳаҳои муштараки инфрасохторӣ аз самтҳои асосии ҳамкории иқтисодии ду кишвар арзёбӣ гардид.

Дар ин росто густариши робитаҳои дуҷониба ва бисёрҷонибаи Тоҷикистону Афғонистон бо кишварҳо ва созмонҳои гуногуни манфиатдор, аз ҷумла мулоқотҳои чорҷонибаи Тоҷикистон - Афғонистон – Покистон –Россия, мувофиқи матлаб дониста шуд