Дар мулоқоти Сарвари давлат Эмомалӣ Раҳмон бо Вазири корҳои хориҷии Озарбойҷон Элмар Мамадёров масоили ҳамкории гуногунҷанбаи ду кишвар баррасӣ шуд.

Таваҷҷўҳи зиёд ба татбиқи амалии санадҳои қарордодӣ-ҳуқуқии дуҷониба, ки дар сатҳу зинаҳои гуногун, аз ҷумла дар сатҳи олии сиёсӣ дар шаҳрҳои Душанбе ва Боку ба имзо расидаанд, зоҳир карда шуд.

Ҳарду ҷониб омодагии устувори худро баҳри таҳким ва густариши муносиботи ҳасана ҳамкории судманди минбаъда таъкид намуданд.