Президенти Ҷумҳурии Тоҷикистон Эмомалӣ Раҳмон ба сохторҳои дахлдори ҳукумати мамлакат дастур дод, ки барои дастгирии мардуми аз обхезии шадид осебдидаи Ҷумҳурии Исломии Покистон кўмаки башардўстона равон намоянд.
Тибқи дастури Сарвари давлат кўмаки башардўстонаи Ҷумҳурии Тоҷикистон ба мардуми дўсту бародари Покистон аз 80 тонна маводи ғизоӣ, 100 хайма, 1000 маҷмўъ либоси кўдакона, 1300 адад кўрпаю болопўш ва асбобу ашёи дигари рўзгор иборат хоҳад буд.
Хотиррасон бояд намуд, ки дар натиҷаи обхезиҳо дар Покистон 1 миллиону 200 ҳазор хонаҳо хароб гашта, беш 1,5 миллион нафар осеб дидаанд, зиёда аз 1700 нафар ҳалок гашта 2632 кас ҷароҳати ҷисмонӣ бардоштаанд. Би иттилои сарчашмаҳои ҳукуматии Покистон, хисороти иқтисодии ин офати табиӣ баробар ба 23 миллиард доллари амрикоӣ аст.