21 июл Президенти Ҷумҳурии Тоҷикистон Эмомалӣ Раҳмон муовини Сарвазири Шӯрои давлатии Ҷумҳурии Мардумии Чин У Иро ба ҳузур пазируфт.
Дар мулоқоти самимию созанда бо баррасии маҷмӯи васеи масъалаҳои ҳамкорӣ, ба мавзӯи тармиму таҷдиди роҳҳо, ба сатҳи байналмилалӣ расонидани сифати хизматрасониҳои телекоммуникатсионӣ, беҳдошти соҳаи обрасонӣ дар шаҳрҳои Ҷумҳурии Тоҷикистон, лоиҳаи таҷдиди роҳи автомобилгарди Душанбе-Хуҷанд бо бунёди туннели Шаҳристон мароқ зоҳир карда шуд.
Дар сӯҳбат истифодаи мақсадноки захираҳои гидроэнергетикии Ҷумҳурии Тоҷикистон, сохтмони хатти баландшиддати барқи "Ҷануб-Шимол", нерӯгоҳҳои барқию обии Роғун ва Даштиҷум омили муҳимми рушди ҳамкориҳои минтақавӣ, инчунин вусъатбахши раванди барқарорсозии иқтисодии Афғонистон арзёбӣ гардид.