Имрӯз Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон, Раиси Ҳукумати кишвар мӯҳтарам Эмомалӣ Раҳмон дар сохтори Вазорати корҳои хориҷӣ як қатор тағйироти кадрӣ ворид намуд.

Бо Фармони Президенти Ҷумҳурии Тоҷикистон Ҳусейнов Музаффар Маҳмуродович аз вазифаи Сафири Фавкулодда ва Мухтори Ҷумҳурии Тоҷикистон дар Ҷумҳурии Ӯзбекистон ва ҳамзамон Сафири Фавқулодда ва Мухтори Ҷумҳурии Тоҷикистон дар Малайзия озод ва бо Қарори Ҳукумати Ҷумҳурии Тоҷикистон ба вазифаи Муовини Вазири корҳои хориҷии Ҷумҳурии Тоҷикистон таъин карда шуд.

Давлатзода Парвиз аз вазифаи Муовини Вазири корҳои хориҷии Ҷумҳурии Тоҷикистон озод ва бо Фармони Президенти Ҷумҳурии Тоҷикистон ба вазифаи Сафири Фавқулодда ва Мухтори Ҷумҳурии Тоҷикистон дар Ҷумҳурии Халқии Хитой таъин карда шуд.

Бо Фармони Президенти Ҷумҳурии Тоҷикистон Қосимӣ Заробиддин -Сафири Фавқулодда ва Мухтори Ҷумҳурии Тоҷикистон дар Шоҳигарии Арабистони Саудӣ таъин гардида, бо Қарори Ҳукумати Ҷумҳурии Тоҷикистон аз вазифаи Директори Агентии миллии иттилоотии Тоҷикистон “Ховар” озод карда шуд. 

Сатторов Имомиддин Мирзоевич, ки айни ҳол Сафири Фавқулодда ва Мухтори Ҷумҳурии Тоҷикистон дар Федератсияи Россия мебошад, бо Фармони Президенти Ҷумҳурии Тоҷикистон ҳамзамон Сафири Фавқулодда ва Мухтори Ҷумҳурии Тоҷикистон дар Ҷумҳурии Арманистон таъин карда шуд.

Инчунин Саидов Зоҳир Озодович - Сафири Фавқулодда ва Мухтори Ҷумҳурии Тоҷикистон дар Ҷумҳурии Озарбойҷон бо Фармони Президенти Ҷумҳурии Тоҷикистон ҳамзамон ба вазифаи Сафири Фавқулодда ва Мухтори Ҷумҳурии Тоҷикистон дар Гурҷистон таъин гардид.