Президенти Ҷумҳурии Тоҷикистон

Иштирок дар Паради ҳарбии 70 солагии ғалаба бар фашизм

09.05.2015 14:40, Россия

Имрӯз Президенти Ҷумҳурии Тоҷикистон Эмомалӣ Раҳмон дар майдони Сурхи шаҳри Маскав шоҳиди Паради ҳарбии бахшида ба солгарди 70-ум аз ғалабаи бузург бар фашизми гитлерӣ гардид.

Ба ин муносибат ба шаҳри Маскав сарони давлатҳо ва ҳукуматҳои беш аз 30 кишвари ҷаҳон ташриф оварданд.

Меҳмонони олимақомро Президенти Федератсияи Русия Владимир Путин истиқбол гирифт.

Сарони давлатҳою ҳукуматҳо ва роҳбарони ҳайатҳои воломақом ба болои минбари тамошогоҳ гузашта, нахуст собиқадорони ҷангро, ки зиёда аз 2 ҳазор нафар аз кишварҳои гуногуни дар он пирӯзии бузург саҳмгузошта ҷамъ омада буданд, табрику таҳният гуфтанд.

Дар Паради ҳарбии бошукӯҳи бахшида ба ин санаи пурифтихор беш аз 16 ҳазор афсарону сарбозон аз Федератсияи Русия ва кишварҳои зиёди дигар иштирок намуданд. Дар миёни онҳо як воҳиди низомии Донишкадаи ҳарбии Вазорати мудофиаи Тоҷикистон ҳам ширкат варзид. Хотиррасон бояд намуд, ки дар ҷанги бузурги зидди фашизми гитлерӣ зиёда аз 300 ҳазор фарзандони Тоҷикистон ҳам саҳми намоён гузошта, қариб 100 ҳазори онҳо барои таъмини ғалаба ва ҳаёти осоиштаи наслҳои оянда ҷони худро фидо кардаанд. Беш аз 60 нафари онҳо бо унвони олии қаҳрамони Иттиҳоди Шӯравӣ сарфароз гардидаанд.

Тавре борҳо зикр гардид ва ҳам ба ҳамагон аён буд, Паради ҳарбии 70-солагии Ғалабаи бузург бо иштироки шумораи зиёд ва намунаҳои навтарини техникаи ҳарбии заминию ҳавоӣ аз бузургтарин чунин чорабиниҳо дар таърихи муосири Федератсияи Русия аст.

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
Харита
© Хадамоти матбуоти Президенти Тоҷикистон
Тел/Факс.: (+992 37)2212520