Президенти Ҷумҳурии Тоҷикистон

Шиносоӣ бо кори кишоварзони ноҳияи Шаҳритус

12.10.2014 14:00, ноҳияи Шаҳритус

Президенти кишвар Эмомалӣ Раҳмон ба заминҳои хоҷагиҳои деҳқонии Ҳомид ва Қандови ноҳияи Шаҳритус ташриф оварда, бо фаъолияти ибратбахши онҳо бевосита шинос шуд.

Чунонки зикр гардид, аҳли заҳмати хоҷагии деҳқонии Қандов 20 га замин, аз ҷумла 18 га замини корами обӣ дар ихтиёр дошта, асосан бо пахтакорӣ машғуланд. Майдони умумии кишти пахта 14 га буда, дар аксари он навъи Тоҷикистон кишт намудаанд ва аз ҳар гектараш бовар доранд, ки ба ҳисоби миёна 40 сентнерӣ ҳосил ба даст меоранд.

Онҳо аз 3 га замини кишти гандум ба ҳисоби миёна 48 сентнерӣ ҳосил гирифта, дар ҷойи кишти такрорӣ ба роҳ мондаанд. Деҳқонони ин хоҷагии дар парвариши сабзавоту полезии кишти такрорӣ ҳам ба муваффақиятҳои калон ноил шудаанд. Натиҷаҳои назарраси кори ибратбахши онҳо, аз ҷумла зимни боздид аз намоишгоҳи маҳсулоти кишоварзии хоҷагиҳои деҳқонӣ аён гардид. Тавре маълум шуд, деҳқонони ноҳияи Шаҳритус аз ҳар гектари каду ва тарбузу харбӯзаи зимистона 36 тоннагӣ ҳосил мерӯёнанд.

Сарвари давлат Эмомалӣ Раҳмон ба масъулин дастур дод, ки ба кишоварзон барои дастрас намудани технологияҳои пешқадами истифодаи заминҳои корам ва тухмиҳои хушсифат ҳамаҷониба мусоидат намоянд. 

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
© Хадамоти матбуоти Президенти Тоҷикистон
Тел/Факс.: (+992 37)2212520