Президенти Ҷумҳурии Тоҷикистон



ҲУКУМАТИ ҶУМҲУРИИ ТОҶИКИСТОН
ҚАРОР


аз 12 июни соли 2014 №404
ш. Душанбе

 

Дар бораи Раиси Кумитаи ҷавонон,
варзиш ва сайёҳии назди Ҳукумати Ҷумҳурии
Тоҷикистон таъин намудани Абдуллозода А.Р.
 

Ҳукумати Ҷумҳурии Тоҷикистон қарор мекунад:
Абдуллозода Аҳтам Рустам Раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон таъин карда шавад.


Раиси
Ҳукумати Ҷумҳурии
Тоҷикистон Эмомалӣ Раҳмон

 

 

АБДУЛЛОЗОДА Аҳтам Рустам
Раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон


АБДУЛЛОЗОДА Аҳтам Рустам 31 октябри соли 1980 дар шаҳри Кӯлоби вилояти Хатлон таваллуд шудааст. Маълумоташ олӣ, соли 2002 факултаи ҳуқуқшиносии Донишгоҳи миллии Тоҷикистонро бо дипломи аъло хатм кардааст.

Фаъолияти меҳнатиашро соли 2002 ба сифати мушовири ҳуқуқии Ширкати масъулияташ маҳдуди «Иқлим»-и шаҳри Кӯлоб оғоз намуда, сипас дар вазифаи мушовири ҳуқуқии ҶДММ «Юнитекс»-и шаҳри Душанбе кор кардааст.

Солҳои 2007-2014 дар Дастгоҳи иҷроияи Президенти Ҷумҳурии Тоҷикистон дар вазифаҳои мутахассиси пешбар, сармутахассис, мудири бахш, муовини мудири Шӯъбаи мудофиа ва тартиботи ҳуқуқӣ фаъолият намудааст.

Аз январи соли 2014 дар вазифаи Сардори Раёсати мудофиа ва тартиботи ҳуқуқии Дастгоҳи иҷроияи Президенти Ҷумҳурии Тоҷикистон кор кардааст.
Унвонҷӯи кафедраи «Ҳуқуқи байналмилалӣ»-и факултаи ҳуқуқшиносии Донишгоҳи миллии Тоҷикистон ва муаллифи зиёда 8 мақолаҳои илмӣ мебошад.

АБДУЛЛОЗОДА А. қобилияти ташкилотчигию роҳбарӣ дошта, худро ҳамчун мутахассиси кордону ботаҷриба нишон дода омадааст. Вазифаҳои хизматиашро босифат ва сари вақт иҷро менамояд.

Оиладор, соҳиби 3 фарзанд.

Бо қарори Ҳукумати Ҷумҳурии Тоҷикистон аз 12 июни соли 2014 Раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон.

facebook
twitter
Хабарҳо
Ҳамаи хабарҳо
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
Харита
© Хадамоти матбуоти Президенти Тоҷикистон
Тел/Факс.: (+992 37)2212520