Президенти Ҷумҳурии Тоҷикистон

ФАРМОНИ
ПРЕЗИДЕНТИ ҶУМҲУРИИ ТОҶИКИСТОН

Дар бораи раиси ноҳияи Дарвози
Вилояти Мухтори Кӯҳистони Бадахшон
таъин намудани Абдураҳмонов С.С.



Мутобиқи моддаи 69 Конститутсияи (Сарқонуни) Ҷумҳурии Тоҷикистон фармон медиҳам:
Абдураҳмонов Саидбурҳон Саидраҳмонович раиси ноҳияи Дарвози Вилояти Мухтори Кӯҳистони Бадахшон таъин карда шавад.

Президенти
Ҷумҳурии Тоҷикистон Эмомалӣ Раҳмон

ш. Душанбе
13 декабри соли 2013
№104

 

АБДУРАҲМОНОВ САИДБУРҲОН САИДРАҲМОНОВИЧ
раиси ноҳияи Дарвози Вилояти Мухтори Кӯҳистони Бадахшон

АБДУРАҲМОНОВ Саидбурҳон Саидраҳмонович – 6 августи соли 1959 дар ноҳияи Дарвоз таваллуд шудааст. Маълумоташ олӣ буда, соли 1988 Донишкадаи хоҷагии қишлоқи Тоҷикистонро бо ихтисоси зооинженер хатм кардааст.

Фаъолияти меҳнатиашро ба ҳайси духтури ҳайвоноти Совхози «Сағирдашт»-и ноҳияи Дарвоз оғоз намуда, сипас дар вазифаҳои зоотехники соҳаи гусфандпарварӣ, мудири фермаи гусфандпарварӣ, сарзоотехник ва Директори Совхози «Сағирдашт» - и ноҳияи Дарвоз кор кардааст.

Солҳои 1998 - 2006 ҳамчун Директори хоҷагии давлатии зотпарварии «Сағирдашт»-и ноҳияи Дарвоз адои вазифа намудааст.

Аз соли 2006 то соли 2013 дар вазифаи Раиси кооперативи истеҳсолии «Сағирдашт»,-и ноҳияи Дарвоз кор кардааст.

Аз марти соли 2013 то ба имрӯз Сардори истеҳсолоти Ҷамъияти дорои масъулияташ маҳдуди «Таком Голд»-и ноҳияи Дарвоз фаъолият дорад.

Барои хизматҳои шоён бо медали «Хизмати шоиста» сарфароз гардидааст.

Оиладор, соҳиби 7 фарзанд мебошад.

Бо Фармони Президенти Ҷумҳурии Тоҷикистон аз 13 декабри соли 2013 раиси ноҳияи Дарвози Вилояти Мухтори Кӯҳистони Бадахшон таъин гардид.

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
© Хадамоти матбуоти Президенти Тоҷикистон
Тел/Факс.: (+992 37)2212520