Дар ниҳояти боздид аз шаҳри Кўлоб Сарвари давлат Эмомалӣ Раҳмон ба Маҷмааи варзишии Кўли ҷавонон дар деҳаи Чорбоғи ҷамоати деҳоти Кўлоб ташриф оварда, бо шароити машқу тамрини варзишии ҷавонону наврасон аз наздик шинос шуд.

Зимни боздид, иттилоъ дода шуд, ки ин маҷмааи иборат аз кўли шиноварӣ (150х50м.), кўли қаиқронӣ (300х150м.), майдони васеи варзишӣ ва дигар иншооти ёридиҳанда, бо харҷи 2 миллиону 28 ҳазор мавриди навсозӣ ва тармими умумӣ қарор гирифта, дорои шароити хуби машқу тамрин гардидааст.

Зимни суханронӣ дар назди варзишгарони сершумори ҷавону навраси Кўлобшаҳри бостонӣ Президенти кишвар Эмомалӣ Раҳмон аз рушди батадриҷи варзиши Тоҷикистон, аз ҷумла дар шаҳру минтақаи Кўлоб изҳори хушӣ карда, ҳозирин ва кулли ҷавонону наврасони кишварро ба заҳмати бештару беҳтар барои расидан ба қуллаҳои баланди комёбиҳо дар мусобиқоти минтақавию ҷаҳонӣ ва муаррифии шоистаи Ватани азизи худ дар арсаи байналмилалӣ ҳидоят намуд.