Президенти Ҷумҳурии Тоҷикистон

Ифтитоҳи варзишгоҳ дар маркази ноҳияи Дарвоз

08.10.2013 18:27, ноҳияи Дарвоз

Дар маркази ноҳияи Дарвоз Сарвари давлат Эмомалӣ Раҳмон варзишгоҳи Авесто Аренаро мавриди баҳрабардорӣ қарор дод, ки дар майдони ним га доман паҳн намуда, дорои шароити хуби сатҳи байналмилалӣ барои футболи хурд ва дигар намудҳои варзиш мебошад.

Майдони асосии он барои футболи хурд пешбинӣ шуда, дорои 800 ҷойи нишаст мебошад. Бинои дуошёнаи варзишгоҳ дорои толорҳои муҷаҳҳаз барои бокс, намудҳои гуногуни гӯштин, тенниси рӯйи миз, меҳмонхона, 11 утоқи корӣ ва дигар ҳуҷраҳо мебошад. Оянда дар назди он, ҳамчунин бунёди майдончаҳои тенниси калон ва  волейболу баскетбол дар назар аст.

Дар рафти сохтмони он аз 80 то 120 нафар ба кор ҷалб шудаанд. Ҳоло дар ин ҷо зиёда аз 15 нафар бо кори доимӣ таъмин мегарданд.

Иттилоъ дода шуд, ки ин варзишгоҳ дар мувофиқа бо федератсияи футболи Тоҷикистон, метавонад ҳамчунин чун пойгоҳи мавсимии машқу тамрини футболбозони касбӣ истифода шавад.

Президенти кишвар Эмомалӣ Раҳмон дар майдони асосии ин варзишгоҳ бо роҳбарияту фаъолон ва намояндагони сершумори мардуми Дарвоз мулоқоти ошкору самимӣ анҷом дод. Зимни суханронӣ, аз ҷумла зикр гардид, ки бо ҷаҳду талоши пайгиронаи Ҳукумати Ҷумҳурии Тоҷикистон дар натиҷаи бунёди як силсила нерӯгоҳҳои хурди обӣ имрӯз норасоии нерӯи барқ дар ноҳияи Дарвоз куллан бартараф гардидааст.

Тавре зикр гардид, пешравиҳои намоён дар соҳаҳои саноат, кишоварзӣ, азхудкунии заминҳои нав ва дигар самтҳои афзалият низ ба назар мерасанд.

Зимни суханронӣ ва посух ба суолу дархостҳои мардум Президенти кишвар Эмомалӣ Раҳмон доир ба рушди минбаъдаи иҷтимоию иҷтисодӣ ва фарҳангии ноҳия ва барои бартараф намудани мушкилоти мардуми ниёзманд супоришҳои мушаххас дод.

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
© Хадамоти матбуоти Президенти Тоҷикистон
Тел/Факс.: (+992 37)2212520