Президенти Ҷумҳурии Тоҷикистон ба Ҷамоати деҳоти Боқи Раҳимзода ташриф оварда, бинои навбунёди маркази истеҳсолӣ – таълимӣ ва лагери истироҳатиро барои 180 нафар хонанда расман ифтитоҳ намуд.
Тавре аён гардид ин муассисаи истеҳсолии таълимӣ барои дастгирии фарзандони оилаҳои ниёзманд ва ятиму бепарастор фаъолияташро ба роҳ монда, дорои 22 утоқи кориву омузиши аз ҷумла синфхонаи компютерӣ, дӯзандагӣ ва омӯзиши забонҳои хориҷӣ мебошад. Хамчунин дар ин марказ 30 нафар бо ҷои кори доимӣ таъмин гардидааст. То имрӯз курси семоҳаи дӯзандагиро 90 нафар духтар хатм намуда 100 нафар ҷавон низ забони англисиро аз худ намуданд.
Барои бо усули замонавии оддӣ ва мутобиқу кам харҷ парвариш намудан ва омӯзонидани аҳолӣ бо ин технология дар Маркази истеҳсолӣ – таълимӣ 5 мурғхона ташкил карда шудааст, ки дар онҳо 2 ҳазору 500 сар мурғ парвариш карда мешавад.
Ҳамчунин се ҳавзи моҳипарварӣ ташкил гардида, мутахассисон дар ин ҳавзҳо парвариши гулмоҳиро ба роҳ мондаанд.
Бо мусоидати ташкилоти «Рафоқати байналмилалӣ» дар ноҳияи Рашт дар ҷамоати Боқӣ Раҳимзода лоиҳаҳое татбиқ мешаванд, ки ба паст намудани сатҳи камбизоатии аҳолӣ ба маблағи беш аз 2 млн. доллари ИМА барои соҳаҳои маориф, тандурустӣ ва бахши иҷтимоию иқтисодӣ равона гардидаанд.