Президенти Ҷумҳурии Тоҷикистон

Оғози сафари корӣ ба Ҷумҳурии Қирғизистон

12.09.2013 15:04, Қирғизистон

Нимаи дуюми рӯз Президенти Ҷумҳурии Тоҷикистон Эмомалӣ Раҳмон барои иштирок дар ҷаласаи навбатии сарони давлатҳои аъзои Созмони ҳамкории Шанхай вориди шаҳри Бишкек, пойтахти Ҷумҳурии Қирғизистон шуд.

Дар фурӯдгоҳии байналмилалии Манаси шаҳри Бишкек Сарвари давлати Тоҷикистон Эмомалӣ Раҳмонро Сарвазири Қирғизистон Жанторо Сотиболдиев ва дигар шахсони расмӣ истиқбол гирифтанд.

Худи ҳамин рӯз мулоқотҳои Президенти Ҷумҳурии Тоҷикистон Эмомалӣ Раҳмон бо Раиси Ҷумҳурии Мардумии Чин Си Ҷинпин ва Президенти Ҷумҳурии Қазоқистон Нурсултон Назарбоев дар назар аст.

Дар ҳошияи мулоқот бо Раиси Ҷумҳурии Мардумии Чин имзои созишномаи дуҷониба доир ба кашидани лӯлаи гази Туркманистон-Чин аз тариқи қаламрави Тоҷикистон дар назар аст.

Пагоҳ, 13-уми сентябр Президенти Ҷумҳурии Тоҷикистон Эмомалӣ Раҳмон дар ҷаласаи навбатии сарони давлатҳои аъзои Созмони ҳамкории Шанхай иштирок ва суханронӣ намуда, чанд мулоқоти дуҷонибаи дигар анҷом хоҳад дод.

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
Харита
© Хадамоти матбуоти Президенти Тоҷикистон
Тел/Факс.: (+992 37)2212520