Зимни мулоқот бо Роҳбари Девони Амири Кувайт Носир Сабоҳ Алаҳмад Алҷобир ал Сабоҳ масоили татбиқи амалии санадҳои қаблан ва зимни ин сафар имзошуда баррасӣ шуд.
Роҳбари Девон изҳор дошт, ки “Амири Давлати Кувайт ва кулли роҳбарияти кишвар ба ташкил ва густарши ҳамкории гуногунҷанба бо Тоҷикистон ва мардуми дорои таъриху фарҳанги пурғановати он ҳавасмандии беандоза доранд”.
Изҳори итминон карда шуд, ки аз ин ба баъд дар таърихи муносиботи ду кишвар марҳилаи сифатан нави ҳамкорӣ оғоз меёбад.