Президенти Ҷумҳурии Тоҷикистон

Иштирок дар ҷаласаи навбатии Шӯрои байнидавлатии Иттиҳоди иқтисодии Авруосиё дар шаҳри Маскав

19.12.2012 18:48, Россия

Президенти Ҷумҳурии Тоҷикистон Эмомалӣ Раҳмон дар шаҳри Маскав дар ҷаласаи навбатии Шӯрои байнидавлатии Иттиҳоди иқтисодии Авруосиё низ иштирок намуд.

Дар ҳамоиш, ҳамчунин сарони дигар давлатҳои аъзои иттиҳод иштирок доштанд.

Дар ҷаласа масоили татбиқи чорабиниҳои вобаста ба Самтҳои афзалиятноки рушди Иттиҳоди иқтисодии Авруосиё ва Нақшаи татбиқи чораҳои муштарак доир ба камтарин намудани оқибатҳои бӯҳронҳои ҷаҳонии иқтисодӣ, тақвияти кори Бонки рушди Авруосиё доир ба қарзҷудокунӣ барои татбиқи лоиҳаҳои афзалиятноки кишварҳои аъзои иттиҳод баррасӣ шуд.

Сарвари давлати Тоҷикистон Эмомалӣ Раҳмон ба татбиқи ду созишнома, ки яке дар бораи мақоми ҳуқуқии муҳоҷирони корӣ ва аъзои оилаи онҳо ва дуюмӣ дар бораи ҳамкорӣ доир ба муқовимат ба муҳоҷирати ғайриқонунии корӣ дар кишварҳои аъзои Иттиҳоди гумрукӣ мебошад, таваҷҷуҳи хос зоҳир намуд. Изҳори боварӣ карда шуд, ки “дар ин санадҳо манфиатҳои Тоҷикистон ҳам, ки оянда метавонад ба ин иттиҳод ҳамроҳ шавад, ба инобат гирифта шудааст”.

Зимни ҷаласа аз ҷониби сарони давлатҳо ба рафти иҷрои Нақшаи чорабиниҳо доир ба татбиқи Консепсияи фаъолияти байналмилалии Иттиҳоди иқтисодии Авруосиё барои солҳои 2011-2013 ва барномаҳои “Технологияҳои инноватсионӣ” ва “Безараргардонии заминҳои таҳти таъсири истеҳсолоти уран қароргирифта”-и давлатҳои аъзои иттиҳод баҳои мусбӣ дода шуд.

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
Харита
© Хадамоти матбуоти Президенти Тоҷикистон, 2005 - 2018
Тел/Факс.: (+992 37)2212520