Президенти Ҷумҳурии Тоҷикистон

Барқияи шодбошӣ ба Раиси Ҷумҳурии Мардумии Чин Ху Сзинтао

18.03.2008 11:00

Президенти Ҷумҳурии Тоҷикистон Эмомалӣ Раҳмон имрӯз, 18 март ба унвони Раиси Ҷумҳурии Мардумии Чин Ху Сзинтао барқияи шодбош фиристод, ки дар он, аз ҷумла, гуфта мешавад:

«Мӯҳтарам, Ҷаноби Раис, лутфан табрикоти самимонаи маро ба муносибати бори дигар ба мансаби олии Раиси Ҷумҳурии Мардумии Чин интихоб шуданатон қабул фармоед.

Дар Тоҷикистон аз ин хабари хуш ҳамаҷониба изҳори қаноатмандӣ карда шуд. Интихоби дубораи Шумо ба ин мансаби олӣ шаҳодати боварию эътимод ба сиёсате мебошад, ки таҳти роҳбарии хирадмандонаи Шумо ба таҳкими ваҳдат ва афзун гардонидани иқтидори Чин ва беҳтар сохтани шароити зиндагии мардуми он равона карда шудааст.

Боварии комил дорам, ки муносибатҳои дӯстона ва ҳусни ҳамҷавории мамлакатҳои мо ба туфайли ҷидду ҷаҳди муштараки мову Шумо ба манфиатҳои тӯлонии давлатҳо ва халқҳоямон мувофиқ буда, минбаъд ҳам густариш хоҳанд ёфт. Умедворам, ки ташрифи ояндаи давлатии Шумо ба Тоҷикистон ба густариши ҳамкории дуҷониба ва мутақобилан муфиди кишварҳоямон нерӯи тоза хохад бахшид. Шуморо дилпур месозам, ки Тоҷикистон барои ин ҳамаи тадбирҳои заруриро меандешад.

Мӯҳтарам, Ҷаноби Раис аз ин фурсати мусоид истифода бурда, ба Шумо саломатии комил, дар фаъолияти минбаъдаатон комёбиҳои нав ва ба халқи Чин хушбахтӣ ва рӯзгори фараҳмандона орзу менамоям ».

facebook
twitter
Хабарҳо
Ҳамаи хабарҳо
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
Харита
© Хадамоти матбуоти Президенти Тоҷикистон
Тел/Факс.: (+992 37)2212520