Президенти Ҷумҳурии Тоҷикистон

Барқияи шодбошӣ ба Президенти Ҷумҳурии Ҳиндустон Пратибха Патил

15.08.2008 15:00

Президенти Ҷумҳурии Тоҷикистон Эмомалӣ Раҳмон ба Президенти Ҷумҳурии Ҳиндустон Пратибха Патил барқияи шодбошӣ фиристод, ки дар он омадааст:

Ба муносибати фаро расидани солгарди ҷашни Истиқлоли Ҷумҳурии Ҳиндустон табрикоти самимӣ ва таҳнияти моро қабул фармоед.

Дар Тоҷикистон ба густариши минбаъдаи муносибатҳои дӯстона ва ҳамкориҳо бо Ҳиндустон дар соҳаҳои мухталиф бо таваҷҷӯҳи хоса менигаранд. Тавсеа ва таҳкими беш аз пеши ин муносибот ба манфиати мардумони ду кишвари дӯст ва сулҳу субот дар минтақа хоҳад буд.

Аз ин рӯ итминони комил дорам, ки раванди ҳамкориҳои мутақобилан судманди байни ду кишвар такони тоза касб хоҳад кард.

Бо истифода аз ин фурсати муносиб ба Шумо, Хонуми Олиҷоҳ, сиҳатмандиву муваффақият ва ба мардуми кишвари дӯсти Ҳиндустон шукуфоиву бурдбориҳо орзумандам.

facebook
twitter
Хабарҳо
Ҳамаи хабарҳо
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
Харита
© Хадамоти матбуоти Президенти Тоҷикистон
Тел/Факс.: (+992 37)2212520