Раисҷумҳури Ҷумҳурии Исломии Афғонистон Ҳомид Карзай ба Президенти Ҷумҳурии Тоҷикистон Эмомалӣ Раҳмон барқияи табрикотӣ ирсол намуд, ки дар он, аз ҷумла омадааст:

Иҷоза деҳед, самимонатарин табрикоту таманиёти худро ба муносибати 20 солагии эҷоди робитаҳои дипломатӣ байни Ҷумҳурии Исломии Афғонистон ва Ҷумҳурии Тоҷикистон ба Ҷалолатмаоби Шумо ва мардуми дӯсту бародари Ҷумҳурии Тоҷикистон иброз намоям.

Боварии комил дорам, гомҳои муштараке, ки дар заминаи таҳкиму густариши робитаҳо ва муносибатҳои дӯстона байни ду кишвари дӯсту бародари дорои муштаракоти мазҳабӣ, забонӣ ва фарҳангӣ то ҳол бардошта шуда, дар оянда низ ба устувории бештар бардошта шавад.

Мардуми Афғонистон ба робитаҳои худ бо кишвари дӯст, Тоҷикистон ба дидаи қадр нигариставу хоҳони густариши он дар ҳама соҳаҳо мебошанд.

Тандурустию саломатии Ҷалолатмаоби Шумо, саъодату тарақии мардуми кишвари дӯст, Тоҷикистонро орзу дорам.