САЛИМЗОДА Амонулло Файзулло
Вазири кишоварзии Ҷумҳурии Тоҷикистон
САЛИМЗОДА Амонулло Файзулло 30 майи соли 1967 дар ноҳияи Данғараи вилояти Хатлон таваллуд шудааст.
Соли 1991 Институти хоҷагии қишлоқи Тоҷикистонро аз рӯи ихтисоси агрономӣ ва соли 2006 Донишгоҳи аграрии Тоҷикситонро аз рӯи ихтисоси ҳисоби бухгалтерӣ ва аудит хатм намуд. Доктори илмҳои кишоварзӣ, профессор, аъзои вобастаи академияи кишоварзии Тоҷикистон мебошад.
Фаъолияти меҳнатиашро соли 1991 ҳамчун лаборанти калони Пажӯҳишгоҳи илмӣ-тадқиқотии Биотехнологияи ИХҚТ оғоз намудааст. Солҳои 1993-2001 дар вазифаҳои ассистент, омӯзгори калон ва дотсенти кафедраи «Технологияи нигоҳдорӣ ва коркарди маҳсулоти кишоварзӣ»-и факултети агробизнеси ДАТ адои вазифа намудааст.
Солҳои 2001-2004 ба ҳайси Ёвари Сарвазири Ҷумҳурии Тоҷикистон фаъолият намуд.
Солҳои 2004-2013 дар вазифаи ноиби ректор оид ба таҳсили ғоибона, мудири шуъбаи ғоибона ва муовин ректор оид ба таълими Донишгоҳи аграрии Тоҷикистон ба номи Ш. Шоҳтемур фаъолият намудааст.
Аз декабри соли 2013 то январи соли 2020 ба сифати Донишгоҳи аграрии Тоҷикистон ба номи Ш. Шоҳтемур кор кардааст.
Бо фармони Президенти Ҷумҳурии Тоҷикистон Эмомалӣ Раҳмон аз 23 январи соли 2020 ба вазифаи вазири кишоварзии Ҷумҳурии Тоҷикистон таъин гардидааст.
Бо нишони сарисинагии «Аълочии маорифи Тоҷикистон» (2008) ва медали 20-солагии Истиқлолияти давлатии Тоҷикистон (2011) мукофотонида шудааст.
Оиладор, соҳиби 4 фарзанд мебошад.