Президенти Ҷумҳурии Тоҷикистон

Барқияи табрикотӣ ба Сарвазири Япония Йошихико Нода

02.02.2012 09:00

Президенти Ҷумҳурии Тоҷикистон Эмомалӣ Раҳмон ба унвони Сарвазири Япония Йошихико Нода барқияи табрикотӣ ирсол кард, ки дар он аз ҷумла омадааст:

«Ҷаноби Олӣ, ба муносибати санаи муҳими ҳамкориҳои замони муосири Ҷумҳурии Тоҷикистон ва Япония - 20 - умин солгарди истиқрори муносибатҳои дипломатӣ бо камоли қаноатмандӣ ба Шумо табрикоту таманниёти самимии худро ирсол медорам.

20 сол қабл 2 - юми феврали соли 1992, баъди ба даст овардани соҳибистиқлолии Тоҷикистон, бо ба роҳ мондани муносибатҳои дипломатӣ мамлакатҳои мо ба рушду густариши ҳамкориҳои сатҳи байналхалқӣ оғоз намуданд.

Боиси қаноатмандист, ки муносибатҳои Тоҷикистону Япония дар сатҳи рушди фаъол қарор дошта, дар ҳамкориҳои дуҷониба ва бисёрҷониба ба марҳилаи сифатан нав мебароянд.

Дар ин робита мехоҳам фаъолияти судманди Агентии Япония оид ба ҳамкории байналхалқӣ ва талошҳои кишварҳоямонро дар чаҳорчуби муколамаи «Осиёи Марказӣ + Япония» махсус қайд намоям. Мо ба саҳми Япония барои татбиқи лоиҳаҳои ҳаётан муҳими кишварамон дар бахши гуманитарӣ, иҷтимоӣ, нақлиётию коммуникатсионӣ ва дигар соҳаҳо баҳои баланд медиҳем.

Ҳавасмандии амиқамонро дар мавриди бо мазмуну мўҳтавои нав ғанӣ гардонидани муносибатҳоямон иброз дошта, умедворам, ки Япония дар густариши онҳо нақши фаъол хоҳад бозид.

Итминони комил дорам, ки бо талошҳои якҷояамон мо метавонем сатҳу сифати ҳамкориҳоямонро ба манфиатҳои ҳар ду ҷониб мутобиқ созем.
Бо истифода аз фурсати муносиб ба Шумо, Ҷаноби Олӣ, саломатӣ, комёбӣ ва ба халқи ба мо дўсти Япония муваффақият ва шукуфоӣ таманно менамоям».

facebook
twitter
Хабарҳо
Ҳамаи хабарҳо
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
Харита
© Хадамоти матбуоти Президенти Тоҷикистон
Тел/Факс.: (+992 37)2212520