Президенти Ҷумҳурии Тоҷикистон

Ҷаласаи навбатии сарони давлатҳои аъзои Созмони ҳамкории Шанхай

06.06.2012 16:00, Чин

Бегоҳии рӯз ҷаласаи навбатии сарони давлатҳои аъзои Созмони ҳамкории Шанхай оғоз ёфт.

Барои иштирок дар ин ҳамоиш сарони ҳамаи давлатҳои аъзои ин созмони бонуфузи байналмилалӣ дар шаҳри Пекин ҷамъ омадаанд.

Хотиррасон бояд намуд, ки аъзои Созмони ҳамкории Шанхай давлатҳои Чин, Русия, Тоҷикистон, Қазоқистон, Қирғизистон ва Узбекистон мебошанд.
Дар ҷаласаи имрӯза, ки дар ҳайати маҳдуд ҷараён мегирад, танҳо сарони давлатҳои аъзои созмон иштирок намуданд.

Ҷаласаи ҳайати васеъ бо ҳамроҳ шудани роҳбарони давлатҳои нозири Созмони ҳамкории Шанхай, меҳмонони воломақом ва намояндагони созмонҳои гуногуни байналмилалӣ пагоҳ баргузор мегардад.

Зимни ин ҳамоиш баррасии масоили мубрами минтақавию ҷаҳонӣ ва қабули Эъломияи муштараки давлатҳои аъзо, Самтҳои асосии стратегияи рушди Созмони ҳамкории Шанхай, Барномаи нави сесолаи ҳамкорӣ доир ба мубориза бо «хатарҳои сегона» ва дигар санадҳои муҳим дар назар аст.

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
Харита
© Хадамоти матбуоти Президенти Тоҷикистон, 2005 - 2016
Тел/Факс.: (+992 37)2212520