Президенти Ҷумҳурии Тоҷикистон

Мулоқот бо мири (котиби кумитаи ҳизбии) шаҳри Сямэн Лю Кесин

01.06.2012 18:00, Чин

Сафари Президенти Ҷумҳурии Тоҷикистон Эмомалӣ Раҳмон ба Ҷумҳурии Мардумии Чин аз музофоти Фуҷиан, ки дар ҷанубу шарқи ин кишвар қарор дорад, оғоз ёфт.

Дар фурӯдгоҳи шаҳри Сямэни музофоти Фуҷиан Сарвари давлати Тоҷикистонро бо меҳмоннавозии хоса истиқбол гирифтанд.

Дар оғози сафар Президенти Тоҷикистон Эмомалӣ Раҳмон бо мири (котиби кумитаи ҳизбии) шаҳри Сямэн Лю Кесин мулоқот намуд.

Дар вохӯрӣ масоили ташкил ва густариши ҳамкории Тоҷикистон бо ин шаҳри бузургу бостонии кишвари Чин баррасӣ шуд.

Тавре зикр гардид, месазад, ки таҷрибаи муваффақи Сямэн дар рушди иқтисоду тиҷорат ва шаҳрсозӣ мавриди омӯзиш ва пайравӣ қарор бигирад.

Эмомалӣ Раҳмон ба ҳайати ҳамроҳи худ дастур дод, ки Тоҷикистон дар ярмаркаи ҳарсолаи тиҷоративу сармоягузории Сямэн дар сатҳи шоиста муаррифӣ карда шавад.

Шаҳрдори Сямэн Лю Кесин дар навбати худ ба иштироки доираҳои соҳибкорӣ ва тиҷоратии ин шаҳр дар намоиш – фурӯши молҳои истеҳсоли худ дар Тоҷикистон изҳори ҳавасмандӣ намуд.

Гуфтугӯи судманд, ҳамчунин доир ба рушди ҳамкорӣ дар соҳаҳои истихроҷ ва коркарди захираҳои табиӣ, маҳсулоти кишоварзӣ ва дар бахшҳои маориф, тандурустӣ, сайёҳӣ ва ғайра сурат гирифт.

Сафари Президенти Тоҷикистон Эмомалӣ Раҳмон ба Ҷумҳурии Мардумии Чин идома дорад.

Танҳо дар музофоти Фуҷиан мулоқотҳои ӯ бо губернатори ин музофот, устодону донишҷӯёни Донишгоҳи Сямэн, роҳбарони як қатор ширкатҳои соҳибнуфуз ва иштирок дар форуми соҳибкорону сармоягузорон ва тоҷирони ду ҷониб дар назар аст.

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
© Хадамоти матбуоти Президенти Тоҷикистон
Тел/Факс.: (+992 37)2212520