Президенти Ҷумҳурии Тоҷикистон Эмомалӣ Раҳмон ба унвони Раиси Ҷумҳурии Мардумии Чин Ху Сзинтао барқияи ҳамдардӣ фиристод. Дар он аз ҷумла гуфта мешавад:
«Ҷаноби раиси мӯҳтарам,
Хабари рух додани зилзилаи шадид дар баъзе минтақаҳои Ҷумҳурии Мардумии Чин дар Тоҷикистон сабаби сахт андӯҳгин гардидани ҳамагон шуд. Тавре ки маълум аст, ин фалокат сабаби харобиҳои зиёд ва қурбон гардидани шумораи зиёди одамон гардидааст.
Дар ин лаҳзаҳои пур аз ғаму андӯҳ аз номи ҳукумат ва халқи Ҷумҳурии Тоҷикистон ба Шумо ҳамдардии самимӣ изҳор намуда, хоҳишмандам ҳамдардии моро ба аҳли оила ва хешу таборони шахсони ҳалокшуда ва осебдида расонед».