Президенти Ҷумҳурии Тоҷикистон Эмомалӣ Раҳмон ба Президенти Ҷумҳурии Ҳиндустон Пратибҳа Патил барқияи тасаллият ирсол намуд, ки дар он аз ҷумла чунин омадааст:
Бо камоли андўҳ хабари садамаи ҳавопайморо, ки боиси ҳалокати теъдоди зиёди шаҳрвандон гардид, дарёфт намудам.
Аз номи Ҳукумат ва мардуми Тоҷикистон ҳамдардии амиқи худро ба халқи дўсти Ҳиндустон бо ин талафоти бузург баён намуда, ба наздикони қурбоншудагон тасаллиёти самимии хешро изҳор медорам.