Президенти Ҷумҳурии Тоҷикистон

Барқияи тасаллият ба Президенти Ҷумҳурии Исломии Покистон Осиф Алӣ Зардорӣ

29.05.2010 10:00

Президенти Ҷумҳурии Тоҷикистон Эмомалӣ Раҳмон ба Президенти Ҷумҳурии Исломии Покистон Осиф Алӣ Зардорӣ барқияи тасаллият ирсол намуд, ки дар он аз ҷумла, омадааст:

Ҷаноби Олӣ,

Бо андўҳи бузург ва эҳсоси хашму ғазаб хабари ҳамлаи ифротгароёну террористонро ба масоҷиди Лоҳур дарёфт намудам.

Чунин амали даҳшатангези гурўҳи ҳама гуна хислатҳои одамиро гумкарда, ки дар марказҳои маънавию рўҳонии мо рух додаст, сазовори ҷазо ва маҳкумият аст ва бори дигар чеҳраи ғайриинсонии терроризмро ба аҳли олам намудор кардааст.

Тоҷикистон ҷонибдори қатъӣ ва усулии саркуб намудан ва решакан кардани ин гуна зуҳуроти манфури глобалӣ буда, дар ин кори хайр аз ҳамкорӣ ва амали муштарак бо Покистони дўст дареғ нахоҳад варзид.

Хоҳишмандам ба наздикони қурбоншудагон ва осебдидагон изҳори ҳамдардии моро бирасонед.

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
Харита
© Хадамоти матбуоти Президенти Тоҷикистон
Тел/Факс.: (+992 37)2212520