Президенти Ҷумҳурии Тоҷикистон

Оғози расмии сохтмони Осорхонаи миллии Тоҷикистон

07.08.2010 20:00, шаҳри Душанбе

Бегоҳии рўз Президенти Ҷумҳурии Тоҷикистон Эмомалӣ Раҳмон бо гузоштани асос ва нома ба наслҳои оянда ба сохтмони Осорхонаи миллии Тоҷикистон оғози расмӣ бахшид.

Зимни шиносоӣ бо лоиҳаи Осорхонаи миллӣ, аз ҷумла зикр гардид, ки ин иншооти зебою замонавии оянда ҷузъе аз ансамбли маҷмааи биноҳои маъмурию фарҳангии давлати Тоҷикистон буда, дар якҷоягӣ бо пайкараи Исмоили Сомонӣ, Қасри Миллат, Китобхонаи миллӣ ва Парчаму Нишони Тоҷикистон ба маркази пойтахти Ватани азизи мо шаҳри Душанбе зебу зиннати хоссаи муосир зам хоҳад кард.

Лоиҳаи осорхона аз зербино ва се қабати болоӣ иборат буда, дорои толорҳои гуногун барои ба намоиш гузоштани осори нодири қадимаю муосир аз таъриху фарҳанг ва илму адаби оламшумули миллати бостонии тоҷик ва ҳамчунин толору утоқҳои мухталиф барои маҷлису конфронс, семинарҳо ва машғулиятҳои таълимии мактабиёну донишҷўён ва олимону таърихнигорон хоҳад буд.

Осорхонаи миллии Тоҷикистон дар ояндаи наздик ба яке аз марказҳои асосии илму маориф ва фарҳанги кишвар табдил хоҳад ёфт.

facebook
twitter
Хабарҳо
Ҳамаи хабарҳо
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
Харита
© Хадамоти матбуоти Президенти Тоҷикистон
Тел/Факс.: (+992 37)2212520