Президенти Ҷумҳурии Тоҷикистон

ҲАМРАЛИЗОДА Фаррух Маҳмуд
Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон

ҲАМРАЛИЗОДА Фаррух Маҳмуд соли 1966 дар шаҳри Душанбе таваллуд шудааст, миллаташ тоҷик.

Солҳои 1986 – 1988  дар сафи Қувваҳои мусаллаҳ хизмат намуд.

Соли 1991 Донишгоҳи давлатии олии техникии ба номи Баумани шаҳри Москваро хатм кардааст.

Cолҳои 1991 – 1999 дар вазифаҳои масъули Кумитаи давлатии иқтисод, Вазорати иқтисод, Вазорати иқтисод ва молияи Ҷумҳурии Тоҷикистон кор кардааст.

Солҳои 1999 – 2005 вазифаҳои мутахассис оид ба харид, муовини директор, директори Маркази идораи лоиҳа дар соҳаи маориф иҷро кардааст.

Солҳои 2005 – 2007 дар вазифаҳои масъули Вазорати рушди иқтисод ва савдои Ҷумҳурии Тоҷикистон кор кардааст.

Солҳои 2007- 2008 Мудири Шӯъбаи ислоҳоти иқтисодӣ ва инвеститсияи Дастгоҳи иҷроияи Президенти Ҷумҳурии Тоҷикистон, ҳамзамон роҳбари Лоиҳаи таҷдиди системаи идораи давлатӣ.

Солҳои 2008 – 2009 Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон.

Солҳои 2009 – 2012 Вазири рушди иқтисод ва савдои Ҷумҳурии Тоҷикистон.

Солҳои 2012 – 2017 Мушовири давлатии Президенти Ҷумҳурии Тоҷикистон оид ба сиёсати иқтисодӣ, Ёрдамчии Президенти Ҷумҳурии Тоҷикистон оид ба масъалаҳои иқтисодӣ.

Солҳои 2017 – 2018 Раиси Палатаи ҳисоби Ҷумҳурии Тоҷикистон.

Бо забонҳои англисӣ ва русӣ озодона ҳарф мезанад.

Бо медали ҷашнии 20 солагии Истиқлолияти Ҷумҳурии Тоҷикистон мукофотонида шудааст. Аълочии маорифи Ҷумҳурии Тоҷикистон.

Оиладор, соҳиби 4 фарзанд.

Бо Фармони Президенти Ҷумҳурии Тоҷикистон аз 19 январи соли 2018 Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон таъин гардид.

facebook
twitter
Хабарҳо
Ҳамаи хабарҳо
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
Харита
© Хадамоти матбуоти Президенти Тоҷикистон, 2005 - 2018
Тел/Факс.: (+992 37)2212520