17 январ Президенти Ҷумҳурии Тоҷикистон Сарфармондеҳи Олии Қувваҳои Мусаллаҳи Ҷумҳурии Тоҷикистон Эмомалӣ Раҳмон дар Маҷлис бахшида ба 5 - солагии таъсиси Гвардияи Президентӣ суханронӣ намуд.
Президенти кишвар роҳи 5 солаи тайкардаи Гвардияро баҳогузорӣ намуда, қайд кард, ки қисми ҳарбии № 3571 барои ҳифзи тартиботи ҷамъиятӣ, волоияти қонун дар ҷумҳурӣ саҳми босазое гузошт ва маҳз дар заминаи он соли 1995 Гвардияи Президентӣ ташкил карда шуд. Кӯшишҳои табаддулоти ҳарбии солҳои 1995-96 , ки мардуми кишварро ба ташвиш оварда буд, маҳз дар натиҷаи мардонагиву фидокории сарбозони қувваҳои мусаллаҳ, аз ҷумла Гвардияи Президентӣ рафъ карда шуд. Барои шуҷоату мардонагӣ 150 нафар сарбозони Гвардия бо ордену медалҳо ва дигар мукофотҳои давлатӣ сарфароз гардиданд.