Президенти Ҷумҳурии Тоҷикистон

Маҷлиси Ҳукумати Ҷумҳурии Тоҷикистон

27.11.2001 14:00, шаҳри Душанбе

27 ноябр Президенти Ҷумҳурии Тоҷикистон Эмомалӣ Раҳмон ҷаласаи навбатии Ҳукумати ҷумҳуриро доир намуд.

Ҷаласа аз баррасии масъалаҳои марбут ба кадрҳо оғоз ёфт. Аз рӯи ин масъалаҳо қарорҳои Ҳукумат қабул гардиданд. Мутобиқи қарорҳои Ҳукумати Ҷумҳурии Тоҷикистон Асрор Латифов раиси Кумита оид ба корҳои ҷавонони назди Ҳукумати Ҷумҳурии Тоҷикистон таъин шуд. Ҳамчунин роҳбари нави Ширкати давлатии суғуртаи сармоягузории "Тоҷиксармоягузор"-и назди Ҳукумати ҷумҳурӣ Бахтиёр Сафаров таъин гардид.

Ҳукумати Ҷумҳурии Тоҷикистон лоиҳаҳои қонунҳои Ҷумҳурии Тоҷикистонро дар бораи ворид кардани тағйирот ба баъзе қонунҳои амалкунандаи ҷумҳурӣ дар хусуси таъмини воҳиди ченакҳо, сертификатсияи маҳсулот ва хизматрасонӣ ва стандартикунонӣ маъқул донист.

Як қатор Қарорҳои Ҳукумат таҳкими минбаъдаи заминаи қарордодию ҳуқуқии муносибатҳои байнидавлатии Ҷумҳурии Тоҷикистонро бо Россия, Украина, Белорус дар доираи ИДМ таъмин менамоянд. Созишномаҳо оид ба истифода ва инкишофи шабакаи робитаҳои нақлиётӣ барои эҳтиёҷоти иқтисодӣ, ҳамлу нақли ҳарбӣ ва гуманитарӣ, оид ба мубодилаи иттилооот дар соҳаи маорифи давлатҳои узви ИДМ қарори Шӯрои иқтисодии ИДМ дар бораи таҷлили сохтори Шӯрои байнидавлатии машваратии "Радионавигатсия" ва Низомномаи Шӯрои байнидавлатии "Радионавигатсия", Созишномаи байниҳукуматии Тоҷикистону Россия дар бораи мақоми хабарнигорони воситаҳои ахбори умуми Ҷумҳурии Тоҷикистон дар Федератсияи Россия ва хабарнигорони ахбори умуми Федератсияи Россия дар Ҷумҳурии Тоҷикистон, Созишномаҳои байниҳукуматии Тоҷикистону Украина оид ба усул ва самтҳои асосии ҳамкории иқтисодӣ, оид ба ҳавасмандгардонӣ ва ҳимояи мутақобилаи сармоягузорӣ оид ба савдои озод ва ҳамкории илмию техникӣ тасдиқ шуданд.

Ҳамчунин дигар масъалаҳои дорои хусусияти давлатӣ, иҷтимоию иқисодӣ, байналхалқӣ, ки ба рӯзномаи ҷаласаи Ҳукумат дохил шуда буданд, баррасӣ гардиданд.

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
Харита
© Хадамоти матбуоти Президенти Тоҷикистон, 2005 - 2018
Тел/Факс.: (+992 37)2212520