14 июл Президенти Ҷумҳурии Тоҷикистон Эмомалӣ Раҳмон дар хотимаи сафар дар маҷлисгоҳи Ҳукумати вилояти Суғд бо иштироки роҳбарони ҳукумати вилоят, шаҳру ноҳияҳои он, мақомоти низомӣ ва муҳофизони қонуну тартибот машварат доир намуд. Дар машварат рафти иҷрои фармонҳои Президент, қарорҳои ҳукумат, ҷаласаҳои машваратӣ, дархостҳои дар мулоқот бо зиёиёни кишвар зикргардида мавриди баррасӣ қарор дода шуданд.
Президенти кишвар ба роҳбарони сохторҳои вилоят дар бобати бартараф кардани камбудиҳои ҷойдошта, саривақт ва босифат иҷро кардани вазифаҳои ба зиммаи онҳо гузошташуда дастурҳои мушаххас дод.
Президенти мамлакатро дар ин сафар муовинони Сарвазир Қозидавлат Қоимдодов, Фаридун Муҳиддинов ва роҳбарони як қатор вазорату идораҳо ҳамроҳӣ карданд.