Президенти Ҷумҳурии Тоҷикистон

Мулоқот бо вазири мудофиаи Ҷумҳурии Исломии Эрон Алӣ Шамхони

09.03.2001 15:00, шаҳри Душанбе

9 март Президенти Ҷумҳурии Тоҷикистон Эмомалӣ Раҳмон вазири мудофиаи Ҷумҳурии Исломии Эрон Алӣ Шамхониро, ки бори аввал бо сафари расмӣ ба мамлакати мо ташриф овардааст, қабул намуд.

Президенти Тоҷикистон ба натиҷаҳои сиёсии вохӯрии ҳайати Тоҷикистону Эрон дар сатҳи олӣ, ки моҳи ноябри соли 2000 дар Теҳрон баргузор гардида буд, баҳои баланд дод.

10 март Президенти Ҷумҳурии Тоҷикистон Эмомалӣ Раҳмон бахшида ба иди касбии кормандони матбуот номаи табрикотӣ ирсол намуд.

Эмомалӣ Раҳмон кормандони матбуоти тоҷикро самимона табрик гуфта, зикр намуд, ки ба боварию эҳтироми халқ сазовор шудани аҳли қалам натиҷаи меҳнати фидокоронаи чандин насли рӯзноманигорони тоҷик аст.

Эмомалӣ Раҳмон изҳори умедворӣ намуд, ки кормандони воситаҳои ахбори омма барои пойдории сулҳу осоиш, таҳкими соҳибистиқлолии Тоҷикистони азиз, волоияти қонун, бунёди ҷомеаи демократӣ, эҳёву рушди арзишҳои фарҳангӣ, худшиносии миллӣ, таъмини ваҳдат ва якпорчагии Тоҷикистон саъю кӯшиш ва истеъдоди худро дареғ намедоранд.

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
© Хадамоти матбуоти Президенти Тоҷикистон
Тел/Факс.: (+992 37)2212520