Шоми 31 октябр Президенти Ҷумҳурии Тоҷикистон Эмомалӣ Раҳмон Директори генералии ЮНЕСКО Коичиро Матсуураро ба ҳузур пазируфт.
Зимни мулоқот оид ба дурнамои ҳамкории дуҷониба мубодилаи афкор доир гардид. Мусоҳибон самтҳои мушаххаси ин ҳамкорӣ, аз ҷумла маориф, нигоҳ доштани осорҳои таърих, фарҳанг ва ғайраро баррасӣ намуданд.
Директори генералии ЮНЕСКО Коичиро Матсуура ба Президенти Ҷумҳурии Тоҷикистон Эмомалӣ Раҳмон медали тиллоии ЮНЕСКО ба номи Ибни Сино барои саҳм ва инкишофи фарҳанги миллӣ, нигоҳ доштани осорҳои таърих ва фарҳанг ва таҳкими ҳамкорӣ бо ЮНЕСКО-ро тақдим кард.