Президенти Ҷумҳурии Тоҷикистон

Иштирок дар маросимҳои тантанавии ҷашни 2500-солагии шаҳри Истаравшани вилояти Суғд

10.09.2002 16:00, шаҳри Истаравшан

10 сентябр Президенти Ҷумҳурии Тоҷикистон Эмомалӣ Раҳмон ҷиҳати иштирок дар маросимҳои тантанавии ҷашни 2500-солагии шаҳри Истаравшани вилояти Суғд ба ин шаҳри таърихи қадимадошта омад.

Баъди маросими гулгузорӣ дар майдони "Ситораҳои Истаравшан" дар қасри фарҳанги шаҳр ба муносибати 2500-солагии Истаравшан маҷлиси ботантана баргузор шуд.

Дар маҷлис Сарвари давлат суханронӣ намуда, ҳамаи меҳмонон ва иштирокчиёни маҷлисро хайрамақдам гуфт ва изҳори боварӣ намуд, ки таҷлили 2500-солагии Истаравшан дергоҳ аз хотири онҳо фаромӯш нахоҳад шуд, зеро; - "он барои ҳамаи сокинони Тоҷикистон воқеаи таърихӣ мебошад"- гуфт Эмомалӣ Раҳмон

Сарвари давлат дар бораи дастовардҳои Истаравшан сухан ронда, изҳори умед кард, ки сокинони он дар оянда ҳам барои ободии шаҳри худ, ҳифзи арзишҳо ва расму оинҳои таърихӣ кӯшиш ба харҷ медиҳанд.

Сарвари давлат осорхонаи кишваршиносии шаҳри Истаравшанро тамошо кард. Осорхонаи мазкур ҳанӯз соли 1968 таъсис ёфта буд ва дар он беш аз 4 ҳазор намуна гирд оварда шудааст.

Таваҷҷӯҳи Эмомалӣ Раҳмонро бештар корҳои ободиву созандагии ин осорхона ҷалб намуд.

Бахшида ба ин санаи фархундаи таърихии Истаравшани бостонӣ ҳунармандони шаҳр дар фосилаи беш аз дувуним ҳазор метр маҳсули дастони мӯъҷизовари худро маърази тамошобинон гузоштанд, ки ба он Президенти ҷумҳурӣ Эмомалӣ Раҳмон баҳои баланд дод. Дар теппаи Муғ, ки осори давраи қадим ба шумор меравад, бахшида ба 2500-солагии Истаравшан барномаи театрикунонидашудаи устодони ҳунар ва ҳаваскорони санъат доир гардид.

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
Харита
© Хадамоти матбуоти Президенти Тоҷикистон, 2005 - 2018
Тел/Факс.: (+992 37)2212520