8 август Президенти Ҷумҳурии Тоҷикистон Эмомалӣ Раҳмон амр содир намуд, ки тибқи он аз ҳисоби маблағҳои фонди захиравии Сарвари давлат ба ноҳияи Рашт 120000 (як саду бист ҳазор) сомонӣ, аз ҷумла барои таъмини бинои Омӯзишгоҳи омӯзгории шаҳраки Навобод 100 ҳазор сомонӣ ва барои таъмири Бинои маркази ҷавонони ҳамин шаҳрак 20 (бист) ҳазор сомонӣ ҷудо карда шуд.
Ҳамзамон ҳукумати ноҳияи Рашт вазифадор гардид, ки истифодаи мақсаднок ва самарабахши маблағҳои ҷудошударо таъмин намуда, ба Ҳукумати Ҷумҳурии Тоҷикистон маълумоти марбута манзур намояд.