8 май Президенти Ҷумҳурии Тоҷикистон Эмомалӣ Раҳмон бо Сарвари Ҳукумати интиқолии Афғонистон Ҳомид Карзай сӯҳбати телефонӣ анҷом дод.
Роҳбарони ду кишвари ҳамсоя оид ба вазъи минтақа мубодилаи иттилоот карданд. Онҳо ба муҳокимаи лоиҳаҳои муштараки ҳамкорӣ ва масъалаҳои расондани кӯмаки гуногунҷанба ба Афғонистон аз тарафи ҷомеаи байналмилалӣ бо истифодаи инфраструктураи Тоҷикистон диққати махсус доданд.