18 апрел байни Президенти Ҷумҳурии Тоҷикистон Эмомалӣ Раҳмон ва Президенти Федератсияи Россия Владимир Путин сӯҳбати телефонӣ баргузор шуд.
Дар доираи машваратҳои сиёсии анъанавии Тоҷикистону Россия диққати махсус ба масъалаҳои инкишофи муносибатҳои дуҷониба ва ҳамкории бисёрҷониба дар чорчӯбаи ИДМ дода шуд.
Роҳбарони ду давлат оид ба вазъи кунунии минтақа ва Афғонистон, инкишофи раванди сулҳ ва дурнамои ба низом даровардани минбаъдаи вазъият дар ин кишвар мубодилаи афкор карданд.