24 январ Сарвари Ҳукумати интиқолии Афғонистон Ҳомид Карзай бо сафари корӣ ба Тоҷикистон омад.
Дар ҷараёни сафар мулоқотҳои Ҳомид Карзай бо Президенти Ҷумҳурии Тоҷикистон Эмомалӣ Раҳмон як ба як ва бо иштироки ҳайатҳои ҷонибҳо дар ҳайяти васеъ доир гардиданд.
Тарафҳо нақши муҳимми СММ ва дигар кишварҳоеро, ки дар мусоидат кардан ба барқарорсозии Афғонистон эълон кардаанд, таъкид намуда, ҷомеаи ҷаҳонро ба он даъват карданд, ки ба ин кишвари азияткашида ҳарчи бештар кӯмак расонанд.