28 ноябр таҳти раёсати Президенти Ҷумҳурии Тоҷикистон Эмомалӣ Раҳмонов ҷаласаи навбатии Ҳукумати ҷумҳурӣ баргузор гардид.

Дар маҷлис қарорҳои дорои хусусияти стратегӣ ва барномавӣ қабул гардиданд.

Дар ҷараёни маҷлис ба рафти иҷрои қарорҳои қаблан қабулшуда диққати махсус дода шуд. Аз ҷумла масъалаҳои марбут ба тадбирҳои иҷрои фармони Президенти ҷумҳурӣ аз 4 ноябри соли равон дар бораи ҳифзи иҷтимоии маъюбони Ҷанги Бузурги Ватании солҳои 1941 - 1945, нафақахӯрон, оилаҳои камбизоат ва донишҷӯёни мактабҳои олӣ, рафти иҷрои қарори Ҳукумати ҷумҳурӣ аз 12 октябри соли 2000 "Дар бораи барномаи тараққиёти ноҳияҳои Совет ва Балҷувони вилояти Хатлон дар давоми солҳои 2001-2005" мавриди баррасии ҳамаҷониба қарор гирифтанд.

Эмомалӣ Раҳмонов талаб кард, ки вазъияти ғайриқаноатбахши бо газ таъмин намудани аҳолӣ дар мавсими тирамоҳу зимистон ҳарчи зудтар ислоҳ карда шавад.