23 октябр мулоқоти Президенти Ҷумҳурии Тоҷикистон Эмомалӣ Раҳмон бо Сарвазири Туркия Реҷеп Тайип Эрдоган доир гардид.

Зимни музокироти самарабахш доираи васеи масъалаҳои ҳамкории дуҷониба муҳокима карда шуд. Ҷонибҳо афзоиши ҳаҷми гардиши молро дар байни кишварҳо бо қаноатмандӣ зикр намуданд. Ҳамзамон қайд карда шуд, ки дар ин бобат ҳанӯз имкониятҳои мавҷуда пурра истифода бурда намешаванд.

Ҳангоми баррасии масъалаҳои асосии сиёсати байналмиллалӣ ҷонибҳо оид ба ҳамкорӣ дар мубориза бар зидди терроризм ва гардиши ғайриқонунии маводи мухаддир ҳамчунин проблемаҳои Афғонистон ва Ироқ мубодилаи афкор карданд.