12 сентябр Президенти Ҷумҳурии Тоҷикистон Эмомалӣ Раҳмонов фармонро "Дар бораи Соли тамаддуни ориёӣ" ба имзо расонид.

Фармони мазкур бо мақсади омӯзиш ва таблиғи саҳм ва нақши ориёиҳо дар таърихи тамаддуни ҷаҳон, вусъат бахшидани рӯҳияи худшиносиву худогоҳии миллии наслҳо, таҳкими равобити байни халқҳо ва фарҳангҳо ба имзо расонида шуд.

Тибқи фармон соли 2006 соли тамаддуни ориёӣ эълон ва муқаррар карда шуд, ки тадбирҳои вобаста ба он дар рӯзҳои ҷашни понздаҳумин солгарди Истиқлолияти давлатии Тоҷикистон гузаронида шаванд.