9 сентябр Президенти Ҷумҳурии Тоҷикистон, Сарфармондеҳи олии Қувваҳои Мусаллаҳи Ҷумҳурии Тоҷикистон Эмомалӣ Раҳмон дар паради ҳарбии идона бо иштироки ҷузъу томҳои гарнизони шаҳри Душанбе, ки дар майдони "Дӯсти"-и шаҳри Душанбе бахшида ба 12-умин солгарди истиқлолияти Ҷумҳурии Тоҷикистон баргузор гардид, иштирок намуд.
Эмомалӣ Раҳмонов аскарону афсарон ва тамоми мардуми шарифи ҷумҳуриро бо рӯзи саид - 12-умин солгарди ҷашни истиқлолияти мамлакат табрик намуда, орзуҳои беҳтарини худро тақдим дошт.
Дар маросими гузашти паради ҳарбӣ раиси Маҷлиси миллии Маҷлиси Олии ҷумҳурӣ М.Убайдуллоев, раиси Маҷлиси намояндагони Маҷлиси Олии ҷумҳурӣ С.Хайруллоев, Сарвазири ҷумҳурӣ О.Оқилов, роҳбарони шаҳру вилоятҳои ҷумҳурӣ, ветеранҳои ҷангу меҳнат, шаҳрвандон ва меҳмонони хориҷӣ иштирок намуданд.