Президенти Ҷумҳурии Тоҷикистон

Cафари корӣ ба ноҳияи Тоҷикобод

01.08.2003 18:00, ноҳияи Тоҷикобод

1 август Президенти Ҷумҳурии Тоҷикистон Эмомалӣ Раҳмонов ба ноҳияҳои водии Рашт сафари корӣ анҷом дод.

Мақсади сафар аз шиносоӣ бо рафти иҷрои фармону супоришҳои қаблан додашуда ва иштирок дар семинари умумиҷумҳуриявии картошкапарварон иборат буд.

Сарвари давлат қабл аз ҳама дар ноҳияи Тоҷикобод бо коллективи омӯзишгоҳи ҳунарҳои техникии рақами 39 вохӯрда, бо фаъолияти он шинос гардид. Дар рафти вохӯрӣ Президенти мамлакат роҳбарияти ноҳияро вазифадор кард, ки дар мӯҳлати кӯтоҳтарин биноҳои боқимондаи омӯзишгоҳро сохта ба истифода диҳанд.

Сипас, Эмомалӣ Раҳмонов дар майдони марказии ноҳия бо мардуми минтақа вохӯрӣ намуда, онҳоро бо барномаҳои мухталифи ҳукумат, ки ба беҳбуди ҳаёти иҷтимоию сиёсии ин минтақаи кишвар равона шудааст, шинос кард.

Эмомалӣ Раҳмонов зимни сафар дар маросими кушодашавии филиали "Тоҷиктелеком", бинои мактаби нави рақами 19-и деҳаи Нушори Боло иштирок карда, бо деҳқонони хоҷагии тухми картошкапарварии "Ҳаёти нав" вохӯрд.

Бегоҳии 1 август дар маркази ноҳияи Тоҷикобод ҷаласаи ҳисоботии навоҳии минтақаи Рашт баргузор гардид, ки дар он раисони панҷ ноҳия роҷеъ ба корҳои иҷрошуда ва нақшаҳои оянда дар назди Сарвари давлат ҳисобот доданд.

facebook
twitter
Хабарҳо
Ҳамаи хабарҳо
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
Харита
© Хадамоти матбуоти Президенти Тоҷикистон
Тел/Факс.: (+992 37)2212520