30 июн таҳти раёсати Президенти Ҷумҳурии Тоҷикистон Эмомалӣ Раҳмон маҷлиси навбатии Ҳукумати Ҷумҳурии Тоҷикистон баргузор гардид.
Маҷлис бо муҳокимаи масъалаи кадрҳо ва баррасии нақшаи фаъолияти Ҳукумати Ҷумҳурии Тоҷикистон дар нимаи дуюми соли 2003 оғоз ёфт.
Сипас фаъолияти мақомоти ҳокимияти иҷроия ва худидораи маҳаллии ноҳияи Шаҳринав дар бобати баланд бардоштани сатҳи маърифатнокии аҳолӣ ҳамаҷониба ва муфассал муҳокима карда шуд.
Аъзои Ҳукумати Ҷумҳурии Тоҷикистон тасдиқи ду ҳуҷҷати муҳими барномавӣ - Барномаи миллии "Ҷавонони Тоҷикистон дар давраи солҳои 2004-2006" ва "Нақшаи миллии тадбирҳои ҳифзи ҳуқуқу манфиатҳои атфол барои солҳои 2003-2010"-ро ба мақсад мувофиқ донистанд.
Маҷлиси Ҳукумати Ҷумҳурии Тоҷикистон дигар масъалаҳои муҳимро баррасӣ намуд.
Президенти Ҷумҳурии Тоҷикистон Эмомалӣ Раҳмон натиҷаҳои маҷлисро ҷамъбаст карда, ба аъзои ҳукумат дар бораи масъалаҳои муҳимтарини ҳаёти давлатии мамлакат дастурҳо дод.