Президенти Ҷумҳурии Тоҷикистон

Муроҷиатнома ба муносибати рӯзи байналмилалии мубориза бар зидди маводи мухаддир

29.06.2003 15:00, шаҳри Душанбе

29 июн Президенти Ҷумҳурии Тоҷикистон Эмомалӣ Раҳмон ба муносибати рӯзи байналмилалии мубориза бар зидди маводи мухаддир Муроҷиатнома ирсол намуд.

Президенти кишвар дар Муроҷиатнома зикр кард, ки зиёда аз чор сол пештар дар кишвари мо оид ба пайрезии роҳҳои мубориза бар зидди маводи мухаддир як чорабинии муҳими байналмиллалӣ бо номи "Тоҷикистон зидди маводи нашъаовар" доир гардида буд, ки дар он оид ба таҳлили вазъи ба миёномада ва тадбирҳои ислоҳи он муҳокимарониҳои муфассал барпо гардиданд.

Дар тӯли ин солҳо мамлакати мо дар кори мубориза бо гардиши ғайриқонунии маводи мухаддир ва пешгирии нашъамандӣ ба муваффақиятҳои назаррас ноил гардид.

Ҷумҳурии Тоҷикистон алҳол бо 30 давлати дунё оид ба масъалаҳои мухталифи назорати маводи нашъадор шартномаҳои байниҳукуматии дуҷониба ва бисёрҷониба дорад. Аз ҷумла, дар асоси протоколи ҳукумати ҷумҳурӣ ва Созмони Милали Муттаҳид аз апрели соли 1999 аввалин шуда, дар миқёси Иттиҳоди Давлатҳои Мустақил Агентии назорати маводи нашъаовари назди Президенти Ҷумҳурии Тоҷикистон таъсис дода шуд.

Дар муроҷиатнома Агентии назорати маводи нашъаовари назди Президенти Ҷумҳурии Тоҷикистон, Вазорати корҳои дохилӣ, Вазорати амният, Вазорати даромадҳо ва пардохтҳои давлатӣ, инчунин Кумитаи хифзи Сарҳади давлатии назди Ҳукумати Ҷумҳурии Тоҷикистон вазифадор гардидаанд, ки назоратро аз болои масъалаҳои марбут ба ошкорсозӣ ва пешгирии қочоқи ин мавод боз ҳам ҷиддитар ва қатъитар ба роҳ монанд.

facebook
twitter
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
© Хадамоти матбуоти Президенти Тоҷикистон
Тел/Факс.: (+992 37)2212520