Президенти Ҷумҳурии Тоҷикистон

Оғози сафари расмӣ ба Полша

27.05.2003 15:00, Полша

27 май дар қароргоҳи Президенти Полша маросими истиқболи расмии Президенти Ҷумҳурии Тоҷикистон Эмомалӣ Раҳмон доир гардид.

Пас аз маросими истиқбол Президенти Ҷумҳурии Тоҷикистон Эмомалӣ Раҳмон бо Президенти Полша Александр Квасневски мулоқоти "як ба як" анҷом дод.

Сарони давлатҳо оид ба дурнамои муносибатҳои дуҷониба мубодилаи афкор карданд.

Ҳамчунин ба масъалаҳои мубориза бар зидди терроризм ва гардиши ғайриқонунии маводи мухаддир, вазъи Афғонистон ва дигар мавзӯъҳои мавриди таваҷҷӯҳи тарафайн диққати махсус дода шуд.

Баъди анҷоми музокирот дар ҳайати васеъ дар ҳузури Президентони ду кишвар маросими имзои санадҳои дуҷониба доир гардид. Аз ҷумла, Эъломия оид ба инкишофи муносибатҳои дӯстона ва ҳамкорӣ байни Ҷумҳурии Тоҷикистон ва Ҷумҳурии Полша, Созишномаи байниҳукуматӣ оид ба ҳамкорӣ дар соҳаи фарҳанг, маориф ва илм, Созишномаи байниҳукуматӣ оид ба ҳамкорӣ дар мубориза бар зидди ҷинояткорӣ ба имзо расиданд.

facebook
twitter
Хабарҳо
Ҳамаи хабарҳо
 
Идома
 
Идома
Идома
Нома ба президент
Мувофиқи талаботи моддаи 21 Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» муроҷиатҳое, ки дар онҳо насаб, ном, номи падари шахси воқеӣ, маълумот дар бораи суроғаи маҳалли истиқомат ё номи пурраи шахси ҳуқуқӣ ва суроғаи маҳалли ҷойгиршавии он зикр нашудаанд ё хато нишон дода шудаанд, инчунин бе имзо (имзои электронии рақамӣ) пешниҳод шудаанд, муроҷиатҳои беном дониста шуда, мавриди баррасӣ қарор намегиранд, агар онҳо дорои маълумот оид ба тайёрӣ барои содир кардани ҷиноят ё ҷинояти содиршуда набошанд.
Image CAPTCHA
Харита
© Хадамоти матбуоти Президенти Тоҷикистон
Тел/Факс.: (+992 37)2212520